සුභ නව වසරක් වේවා

පතනා සුභ පැතුම් ඉටුවී නොවී පමා
දැවෙනා සිත් පෙගී බුදුගුණ දමින් අමා
සතුටින් පිරීලා යන එන තැන්හි සැමා
දියුණුව ලැබේවා පව්කඳ මකා දමා

නොදිළිදු ප්‍රේමය

මිරිගු දිය මත දෙපා දොවනා
සඳ මඬල දැක දෑත පානා
අහිංසක වූ ඔය මල් සිනා
දිටිමි සොදුරියේ වගෙම පෙරදා

අඳුරු ගෙබිමේ වැතිර නටනා
ඔබෙ සිනහ රැල් පුතුනි ඇසෙනා
දියව ගිය දාහයට බැදිලා
සවිය දහසක් ගුණව දුන්නා

හිත සිබින ඔය දෙනෙත් සනහා
දිලෙන තරුකැට අතර රැදිලා
දිටිමි අදුරෙම මවෙත බැදිලා
තවම ඔබ මා අසල උන්නා

ඔබට

සංසාරේ පුරා එන්න
ඔබ අසලින් රැදී ඉන්න
අත්වැල් බැද පිය නගන්න
මා පැතුවේ සිනාසෙන්න

අතීතෙ ගැන නොසිත ඉන්න
බැහැ මට අමතක කරන්න
මගෙ නෙත් තුල රැදී හිදින
ඔබෙ පෙම් රුව මකා යන්න

උණු කදුලැලි ගලා එන්න
තතනන මා නෙත් දකින්න
පුළුවන් නම් ඇවිත් යන්න
හැකිවෙද දැක හැරී යන්න

මල් කළඹක් දැක ගන්නට
පිරුවේ පෙම් මං දෙන්නට
දෛවය විත් හරස් වෙන්ට
පව කියන්න පින් කරන්ට

උදුම්බරා මට සුවද දුන්න
තවත් හදක පිපී දිලෙන
ඔය දිවියට සෙත් ලැබෙන්න
එපා සිනහ මැකී යන්න

කවි නැහැ මට තව ලියන්න
බොදවේ නෙතු ලොව වැසෙන්න
ඉඩ දෙන්නම් වෙන්ව යන්න
සිත නෑ ඔය හද තලන්න

අහිමි ඇය

අපෙ හිත පෙම් බඳින ...අය
හිතට නැතිවම බැරි .....අය
ලගය ඒ හිත් වෙන ..... අය
එයය මේ ලොව.....අරුමය

පුන්චි දිය බිදු ........ දැකලා
සයුර ගැන පෙම් ..... බැදලා
සිහින අද නම් ........ බිදිලා
හද හඩයි ඉකි ........ ගසලා

හද පිදෙන පෙම් ....... මලසුනේ
සුවද තැවැරුනු ..... සෙනෙහසේ
වෙනත බැදුනේ ඇයි ..... මෙසේ
කිමද මා පෙම ...... නොදැනුනේ

කඩා වැටෙනා තාරුකා ............. රෑ
සොයා වැරුවෙමි නිදි දොළොස් ....පෑ
පතා සිටියෙමි දෑත මා .............. ඈ
දෙනෙත අඳ විය ඇය තවම ........ නෑ

සොදුරිය

සිඳ සිඳ අඳුර ඟණඳුර මැද නුඹ දිලෙන
විඳ විඳ සිසිල නුඹගෙන් මා හද නිබද
බිඳ බිඳ දැනේ නුඹ උණුසුම හද මැදට
නුඹ නුබ ගැබෙහි රැදි පෙම්ලොව එකලු කල

මදනළ සුසුම් ඔබ හද මඩලෙන් මිදුන
දිවි දිය තලාවේ හසරක් සොයන කල
දුක දා නිවා සවිබල ගන්වන නිබද
එන මේඝයකි මා ජීවන රුවල මත

ඔය නිල් නුවණ් නෙත ගැටෙනා හැම වරම
වසත් කල වෙළයි මා රුදු කතර වට
ගෙවෙනා දිවිය ඔබගේ පෙම් වදන් මැද
තව අන් සැපක් මෙදියත මට කුමට වෙන